يقول أبو محسن غبوني قلبي أتقطع=أطاع الدهر قلبي المولعي والدهر ماطاعه
ضناني الدهر كم لي من ضناه أشكي وأتوجع=لمن أشكي ضناء الدهر المشاغب زادت أوجاعه
يقولوا الصبر حكمة يا فتى في سيرك أتوقع=لأن عاد الطرق قدامنا نزلة ومطلاعة
وشفنا في زمن عياب ما ينصف من أتسرع=ولا عمره تمتع في حقوقه من قصر باعه
وبعد الآن يا الهاجس معياء منعك أتوزع=وأغر الخط شف وقت المسافر قرب أقلاعه
ترى المقصود بن جعول سلامي له مية وأربع=يخص الجيد أبو نورة ومن حاصل من أتباعه
وبا أرسل له هدية عطر عاده جاء من المصنع=من أنواع الزهور الراوية قمنا بجماعه
صديقي من زمن سابق وهو لي الساس والمرجع=ونعم الجيد أبو نورة نمر من ناس قطاعة
وشاعر له مكانة عالية لو قد نوى يبدع=ويبحر في بحور الفن لو قد حرك أشراعه
عجب ليش أعتكف عن مجمل الأصحاب وأتورع=أفل عنا زحل أيش السبب ذي غيب أشعاعه
صحيح الوارد الموجود في الأسواق ما ينفع=ولو زادوا له التجار ألوانه وأنواعه
عفى عنه الزمن واللي مضى ما عاد بايرجع=بلا ياصاحبي ماراح منا صعب رجاعه
ولو هذا سبب بعدك فهذا العذر لا ينفع=ولو حاولت تقنع به محبك يصعب أقناعه
خرج ذا فصل والثاني نبى من حضرتك نسمع=خبر واضح بتاريخه وضبط اليوم والساعة
عن الغادر وحزبه ذي غدر بالشعب وأتجعجع=زعيم النصب والتزوير كم بعده أسر جاعه
جعل لا حل له عانى بلاه الشعب وأتجرع=مآسي طائلة من بعد توحيده وجماعه
خدعنا به وبالتوقيع ليت البيض ماوقع=ووحدنا وساوانا بشخصيات طماعة
وجوه أطماع مهما شل لا يشبع ولا يقنع=رمونا بالخلاء وأتسيطروا ع الجو والقاعة
أخذ له ذي سهل واليوم من ما شل يتقنع=وحقي با أتبعه واخرجه من ثالث أضلاعه
فلابا يمشي الرحلة ويتوحد برك وأقبع=بيغدر في رفيق الدرب لو في مصلحة باعه
وعن وضع الحراك أيش العمل والساس ذي نبع=وهل يجلب عواقب طيبة للشعب نفاعة
وهل ممكن يوحد رأي قاداته ويتجمع=وبانخرج معه كلاتنا لو صلح أوضاعه
يعوضنا عن الآلام والأوقات ذي ضيع=ولكن رغم عمق الجرح ما قد حقق أجماعه
وهذا منه أتأمرك وذاك أغتر وأتشيع=وأخاف الفرك يدخل به ويبدى في تصداعه
غبوني كان لي قرنين ذي بنطح بها وأردع=وصار اليوم ذي كسر قروني يفرك أصباعه
وذا الحين النعاج المجحمة تقفز وتتنتع=بوجه الوعل لرجب وأصبحت جماء ورداعة
ألا ليت الغبي راجع أموره قبلما يوقع=ولا أهدرني ضحية لأجل نزواته وأطماعه
كفاية لا هناء ماجدت به يا الهاجس أتورع=وأبو نورة صديقي مطلبي نظمه وأبداعه
ختمناها بذكر المصطفى ذي للبشر يشفع=صلاة الله تغشى الهاشمي وآله وأتباعه

ونبدا بسم ربّ الكون ذي سخَّر وذي طوَّع=لآدم كل شي واخرج جسد حوَّى من اضلاعه
خلقهم واحسن التكوين واتقن خلقهم وابدع=بأمره واحكم التصريف واقنع نفس طمَّاعه
له الحمد احمده ما ثوَّر الجاهم وما اتشرع=وبات البرق يبرق والمطر يسكب من اقزاعه
وصلى الله على المختار ما تسجد وما تركع=جميع الخلق له لما يحين الوعد والساعه
وبعد الساع ياحيا عدد ما بارقه يلمع=بشاعر من خلال ابياته اتجلى لنا ابداعه
أبو محسن عويضان الفتى ذي كلمته تصدع =أصيل الساس وافي الكاس حاز الود بطباعه
ونعمك جيد يشهد منطقه والجِد والمنبع=حطيبي يافعي لا سرو حمير مُنتسب باعه
مُرحَّب به وببياته وما صدَّر وما وزَّع=شُقُر فوق العمامه ضيف ماباحُط به قاعه
جباك الخط ياطارش مع اول قافله ترجع=وخذ بيدك حروف ابيات مدروسه ونفَّاعه
قوافي مقصدي توصل لمن يقرأ ومن يسمع=من اهل العُرف وتقوِّض مخابي ناس مياعه
هَمَل بشعابها كُلاً على ماراغ له يبرع=تعادي الحق والشيطان له بالسمع والطاعه
كروش الله لا بارك لهم ماحد رضي يشبع=وجوه اتنكرت بجمل صور واذناب مُنصاعه
ومحروق الخزا ذي سوَّد الله صابره لبشع=نبذته من حضنته أمس واتمادت برضَّاعه
وصبَّح في خلا لا حول له يخبُت ويتصكَّع=حَذِر من خارجه واكبر حَذَر يُقتَل من اتباعه
غزاه الخوف في مَكمَن أمانه من جهات اربع=فلا راحه ولا ريضه معه والنفس مُلتاعه
حرِق من داخله والساس تحت اقدامه اتصدع=وآخر كرت كوَّن قاعده للغرب فزاعه
وانا من حيث عاداني وجاوبني من المدفع=وجَب باعرّفَه مالفرق بين السَبع واضباعه
جنوبي والجنوب الحُر بعد الآن لن يخضع=رجال الموت ساعات البلا للروح نزاعه
وقعنا بالمَثَل ذي قال يستاهل من اتسَرَّع=ألا ياليت بن سالم توقـَّع قبل وقـَّاعه
كفايه لا هِنا ماليوم يا وجه الخزا برَّع=ملمّ الذِل والخيبه نقضنا السقف واسياعه
خرج ذا فصل والثاني على نفس النمط يتبع=نمط محكور مبني من حجر ياجور لمَّاعه
مشاخص بور شرما عور ذا ينزل وذا يطلع=وكم من جيد مُحكـَم ليد بعته ناس خدَّاعه
وانا والله مااقبل شخص لا ينفع ولا يشفع=حُسِب كادر جنوبي والحقيقه سمعته ضاعه
ولا باوثق بخاين لا أمانه له ولا مرجع=يمثـِّلني ولا بارضى بمثله ناس بيَّاعه
بقاموس الجنوب انسان لا يبزق ولا يرقع=شطبنا اسمه وسجَّلناه تالف يصعب ارجاعه
لذا لا بُدما نخلِص نوايانا ونتجمَّع=على رايه وغايه واحده وافكار قطَّاعه
لأني ببصر التفريق حاصل والشتات اوسع=وانا بي خوف لا نقضي الزمن نزله ومطلاعه
هدفهم يشغلونا ياعرب باشياء ما تنفع=ونتحول حَسَب تخطيطهم حُجَّه وشمَّاعه
وشي ثاني وصول الويتهم لبيَن خطر يقرع=نواقيس الحذر ياهل الجنوب الحُر واسباعه
جماعه من فلول القاعده ماشي لها موقع=بسيط اخمادها والحرب ماداعي لوسَّاعه
هدفهم يحكمون السيطره ذا حسب مااتوقَّع=بخطوه سابقه تكبُت حراك الشعب واسراعه
وخطوه بعد خطوه بايعيدو ماعَبَر وافضع=وباتلعب بنا لو ما اتحدنا ناس شبَّاعه
كفايه لا هِنا لو ما تكـُفّ النفس ما تقنع=ولو كفيتها جت طايعه للأمر منطاعه
وهذه حالة الدنيا بلا واتعاب ما تُقطَع=شقاها ياعزيزي لو نزل باقوى جبل زاعه
وهَمّ الدهر واهله كلما له زاد واتفرَّع=وصلنا وقت ما يرحم سقانا المُر بانواعه
وصلو عدما تمسي السحاب الساريه تكرَع=على المبعوث رحمه شامله للكون بجماعه

الموضوع الأصلي : جواب الشاعر عبدالخالق صالح عبدالكريم((أبو نورة))على الشاعر محمد صالح عويضان     -||-     المصدر : شبكة و منتديات الريوي     -||-     الكاتب : عويضان